Wyss men cam frae the east

The scripture has been translated into most of the languages of the world. And is in the process of being translated into the rest of them. This is the gospel for the Epiphany in braid Scots. The most well-known version is Professor Lorimer's. This excerpt, however, is from William Smith's translation.

+ + + + + + + + + + + + + + + + + + + + + + + + + + + + + + + + + + + + + + + + + + + + + + +

1. Noo, whan Jesus was born i' Bethlehem-Judah, i' the days o' King Herod, lo ! Wyss Men cam frae the East tae Jerusalem.

2. And quo' they, "Whaur is he bidin that is ca'd King o' the Jews ? for i' the East we saw his starn, and are come forrit to worship him."

3. But the King, hearin, was sair putten-aboot ; and a' Jerusalem wi' him.

4. And, gatherin a' the heigh-priests and writers o' the nation, he wad ken o' them "whaur the Messiah soud be born ?"

5. And quo' they, "In Bethlehem-Judah ; for sae it is putten doon by the prophet ;

6. " ' And thou, Bethlehem , land o' Judah, nane the least amang Judah's princes! for oot o' thee sal come a Ruler, wha sal tend my folk o' Isra'l ! ' "

7. Than, Herod, convenin the Wyss Men privately, faund oot mair strickly o' the comin o' the starn ;

8. And bad them gang to Bethlehem ; and quo' he, "Gang, and seek ye oot the wee bairn ; and whan ye ken, fesh me word again, that I as weel may come and worship."

9. Eftir hearing the King, they gaed awa' ; and lo! the starn whilk they saw i' the East gaed on afore them, till it stood whaur the wee bairn was.

10. And whan they saw the starn, they were blythe wi' unco blythness.

11. And comin intil the hoose, they saw the wee bairn, and his mither Mary ; and loutin doon, worshipp't him. And openin' oot their gear, they offer't till him gifts - gowd, and frankincense, and myrrh.

12. And bein warned in a dream no to gang back till Herod, they airtit their way to their ain kintra anither gate.

Mathew, Chaipter Twa, verses 1 til 12 frae 'The Four Gospels in Braid Scots' - Rev William W Smith

+ + + + + + + + + + + + + + + + + + + + + + + + + + + + + + + + + + + + + + + + + + + + + + + + + + + + +

This was taken from ElectricScotland website and more about the guid Scots tongue can be found there. And much else about Scotland, too.